Historëjo
Szkòłë Pòdstawòwi w Jelónkù

 

       Szkòła Pòdstawòwô w Jelónkù funkcjonëje od 1 séwnika 1955 r. Przódë dzôtczi chòdzełë do szkołë, chtërna bëła w Serakòwsczi Hëcë.
           Pierwszi zajãca szkòlné datëje sã od 1900r. Wnenczas òdbywałe sã òne w lepiónce. W 1936r. dobùdowelë jesz jedna ùczbôwą jizbã
z czerwiony cegłë. Dzôtczi ùczałë sã w ni jaż do chwile òdemkniãcy nowi szkołë, tj. do 1955 r.
       Czèj karno dzecy sã pòwikszëwało, 1948r. wënajãto jesz dwie ùczbowy jizbë òd gburów ze Serakôwszci Hëte: wastë Sëchtë i Pepiórczi.
W nym też rokù zrëchtowanô plac dlô jesz jedné szkołôwe jizbë w chëczë w Jelónkù, gdze mieszkôł przed i za czasów wòjnë Miemc Ziemke.
        Przez jaczis czas równoległo z nyma môloma jistnia szkòła w Tëchlinku (jaż do chwilë òdemkniãcy nowi szkołë w Jelónkù w 1955 r.)
        W szkòłowim roku 1949/50 chòdzy do szkołë 116 dzecy i ùczi je 2 szkólnëch, uczba òbejmùje piãc klasów.
         Na zymkù 1954 r. zaczãła so bùdowa nowi szkòłë w Jelónkù. Budowã prowadzy Państwòwô Budownô Pòdjimizna Krezu Kartësczigò. 1 sewnika òtemklë nową szkòłã, ji pierszim czerownikã bëł Stanisław Drãżek.
         Dopiérze w lëstopadnikù 1956 r. pò wielnëch starach starszëch wprowadzelë nôùka religije, chtërné jakno pierszi naùczôł ks. Jan Nowicczi.
        Na zymkù 1956 r. doprowadzelë do wsë elektrisz, szkòła téż jã dostała, ale dopiérô rok pózni. Szkòłowé dzecë przërëchtowałë pòkôzczi, całô ùroczëzna òdbëła sã przë transformatorze w Tëchlinku.
         Szkòła w Jelónkù jistnieje do dzyso. Ùczy sã w ni kol 100 dzecy.